8 個步驟
由零開始試擺一個房間
揀戶型或示範房間
打開 3D 植物試擺，先會見到場景卡。用「全部、新大戶型、露台、平台、花園、天台、住宅戶型、辦公室、單間示範」篩選，揀一個最接近你空間嘅房間，再撳「喺頁面試擺」；想畫面大啲就撳「全屏試擺」。之後隨時可以撳右上角「場景」換房。
設定窗邊光線
所有場景都可以揀「窗向」、「窗外遮擋」（開揚或樓宇遮擋）同「時段」。之後都可以改。圖則場景按 W01 假設朝向（天台按圖則方向）、時段及固定牆身遮擋模擬光照，並非現場實測。
圖則場景可撳「窗位」，查看編號、窗闊、假設朝向，以及所選植物可見嘅窗與距離；牆身遮擋按圖則計，並非實測光度。
加入植物
房間載入後，植物面板會自動打開（手機就撳底部「植物」）。可以搵植物名或者按高度篩選，撳植物卡上嘅 ＋ 就會放入房間。每個房間最多 20 棵，同款可以再加。
擺位同微調
撳工具列「擺位」：可以「拖動植物」、「俯視揀位」，或者用「方向微調」每次移 10 厘米，亦可以 0–360° 旋轉。植物同傢俬會自動避位；撳「返回起點」就回到原位。電腦上滑鼠移到植物會見到選擇圈同「移動」掣。
揀花盆同底盆
喺植物面板「已選植物」揀返嗰棵植物，再喺「盆器配搭」揀花盆同底盆。每棵植物最多配一個花盆、一個底盆，換咗即刻喺 3D 入面見到。
睇光照同推薦擺位
撳左上角「光照」，可以播放 15 秒全日光影，或者拖時間軸揀時刻，植物上方會顯示估算 lux 範圍。喺「擺位」撳「睇推薦擺位」，地上會出現顏色點：綠＝較合適、黃＝需留意光照、藍＝偏暗、珊瑚＝直射風險，撳個點就可以將植物移過去。「日期」可以轉今日、四季或全年任何一日；「淋水提示」會講大約幾日檢查一次盆土。
調整傢俬同視角
「傢俱」可以加入示意傢俬、每次移 10 厘米、轉向或者移除；「還原全部傢俱」就返原狀，換場景亦會清除。「視角」有睇成個房間、植物近看、植物側面、由上面睇同重設視角。
儲存、分享或落單
撳「清單」睇每棵植物、花盆、底盆同小計，然後揀：「全部加入購物車」（會再核對商品、售價同庫存）、「下載植物清單」、「下載場景圖片」、「列印養護參考／儲存 PDF」，或者「用 WhatsApp 查詢清單」——只會開草稿，由你檢查後自己發送。方案會留喺同一個瀏覽器，下次可以「繼續上次方案」。
操作方法
電腦同手機點樣控制
| 想做 | 電腦 | 手機 |
|---|---|---|
| 轉視角 | 按住滑鼠拖動 | 單指拖動 |
| 移動畫面 | 按住滑鼠右鍵拖動 | 雙指拖動 |
| 放大縮小 | 滑鼠滾輪 | 雙指縮放，或撳 ＋／− |
| 揀植物 | 撳植物，或者喺「已選植物」揀 | 輕點植物 |
| 移植物 | 「擺位」或植物旁嘅移動手把 | 「擺位」工具 |
| 上下捲頁 | 滑鼠喺 3D 範圍外捲動 | 先撳「停止操作」 |
小貼士
試擺得更準嘅 4 個習慣
先量實際位置
房間係代表性示範。落單前用尺量好擺放位置嘅闊度同樓底，再對比植物登記高度。
用俯視揀位
大戶型先用「由上面睇」認清間隔，再撳「俯視揀位」放植物，比喺斜角拖動快。
比較唔同季節
香港冬天陽光角度低、對面樓遮擋較明顯。轉「日期」比較夏天同冬天，再決定擺窗邊定房中間。
多棵植物用電腦
手機適合快速睇比例；擺 5 棵以上或者辦公室方案，用電腦微調會舒服好多。
疑難排解
使用時常見問題
撳咗開始，但房間載入唔到或者一片空白？
3D 房間要瀏覽器支援 WebGL。請用最新版 Chrome、Safari 或 Edge，並開啟硬件加速。如果 30 秒內未載入好，畫面會返回預覽並顯示錯誤，可以撳重試。
手機上成頁捲唔郁？
3D 範圍會接收手指操作。撳「停止操作」之後就可以正常上下捲頁，要再轉視角就再開返。
點解「睇推薦擺位」撳唔到？
要先揀一棵植物。推薦擺位只適用於已核對光照偏好嘅植物（例如夢幻朱蕉），同埋有窗位資料嘅場景；圖則戶型按假設窗向及牆身遮擋估算，天台作室外估算。
換咗場景，有啲植物唔見咗？
換場景會保留你嘅植物組合並重新擺位；新房間冇合適位置嘅植物會留喺清單、顯示為待擺位，暫時唔喺 3D 顯示。開「擺位」幫佢揀個新位置就得。
最多可以放幾多棵植物？
每個房間最多 20 棵，每棵最多配一個花盆同一個底盆。
加入購物車之後價錢唔同咗？
加入購物車時會按最新商品資料核對售價同庫存，以購物車同結帳頁顯示為準。如果結果唔明確，會提示你先查看購物車，唔會自動重複加入。
想知多啲
功能、場景同限制
而家就試擺第一棵植物
免費使用，唔使登記。
